Дулоксетин Тева (30мг)

Дулоксетин Тева

Дулоксетин

Босап шығуы кейінге қалдырылған 30 мг және 60 мг капсулалар

Бір капсуланың құрамында

белсенді зат: 30 мг немесе 60 мг дулоксетин гидрохлориді,

қосымша заттар: қант сфералары, повидон, натрий лаурилсульфаты, тальк, гипромеллоза, сахароза, триэтилцитрат, гипромеллоза ацетаты,

титанның қостотығы (Е 171)

капсула құрамы (30 мг доза үшін):

корпус: титанның қостотығы (Е171), желатин

қақпақша: титанның қостотығы (Е171), темірдің қызыл тотығы (Е172 индиготин FD&C көгілдір (Е132), желатин

капсула құрамы (60 мг доза үшін):

корпус: титанның қостотығы (Е171), темірдің сары тотығы (Е172), индиготин FD&C көгілдір (Е132), желатин

қақпақша: титанның қостотығы (Е171), индиготин FD&C көгілдір (Е132), желатин

30 мг капсула: капсула сыртында «30» таңбасы, ақтан сары түске дейінгі жабыны бар түйіршіктер толтырылған ақ денесі мен көк мөлдір емес қақпағы бар, 3 өлшемді қатты желатин капсулалар.

60 мг капсула: капсула сыртында «60» таңбасы, ақтан сары түске дейінгі жабыны бар түйіршіктер толтырылған ашық-жасыл денесі мен көк мөлдір емес қақпағы бар, 1 өлшемді қатты желатин капсулалар.

Психоаналептиктер. Антидепрессанттар. Басқа антидепрессанттар.

Дулоксетин.

АТХ коды N06AX21

Фармакокинетикасы

Дулоксетин бірден бір энантиомер түрінде енгізіледі. Дулоксетин тотықтырғыш ферменттермен (CYP1A2 және полиморфты CYP2D6) экстенсивті метаболизденіп, ал артынан коньюгациялануға ұшырайды. Дулоксетин фармакокинетикасы ішінара CYP2D6 метаболизаторының жынысына, жасына, шылым шегуіне және жай-күйіне қарай жекешеаралық қатты ауытқуын (әдетте, 50-60%) көріністеген.

Сіңуі

Дулоксетин ішу арқылы енгізуден соң қабылдаудан кейін 6 сағат өткенде Cmax мәніне жетумен жақсы сіңеді. Дулоксетинді ішу арқылы қабылдағанда абсолютті биожетімділігі 32%-дан 80% дейін (орта есеппен, 50%) құрайды. Ас ішу жоғары шекті концентрациясына жету уақытын 6-дан 10 сағатқа дейін кідіртіп, сіңу дәрежесін мардымсыз азайтады (шамамен 11%). Бұл өзгерістердің ешқандай клиникалық мәні жоқ.

Таралуы

Дулоксетин адам плазмасы ақуыздарымен шамамен 96% байланысады. Дулоксетин альбуминмен және альфа-l қышқыл гликопротеинмен байланысады. Ақуыздармен байланысуы бүйрек немесе бауыр жеткіліксіздігіне байланысты емес.

Биотрансформациясы

Дулоксетин белсенді метаболизденіп, организмнен метаболиттер түрінде көбінесе несеппен шығарылады. P450 цитохромының екеуі де - 2D6 және 1A2 глюкуронидпен қосарлы 4-гидрокси дулоксетин және 5-гидрокси 6- метокси дулоксетин сульфат конъюгаты екі негізгі метаболитінің түзілуін катализдейді. Іn vitro зерттеулерін негізге алғанда дулоксетиннің айналымдағы метаболиттері фармакологиялық белсенді емес болып саналады. Дулоксетин фармакокинетикасы CYP2D6 қатысты әлсіз метаболизаторлармен пациенттерде зерттелмеген. Шектеулі деректер осы науқастарда дулоксетиннің плазмалық деңгейлерінің жоғары екенін айғақтайды.

Шығарылуы

Дулоксетиннің жартылай шығарылу кезеңі 8-ден 17 сағатқа дейін (орта есеппен, 12 сағат) ауытқиды. Вена ішіне енгізуден кейін дулоксетиннің плазмалық клиренсі 22 л / сағаттан 46 л / сағатқа дейінгі (орта есеппен, 36 л / сағат) диапазонда болады. Ішу арқылы қабылдаудан кейін дулоксетиннің болжамды плазмалық клиренсі 33-тен 261 л / сағатқа дейін (орта есеппен, 101 л / сағ.) құрайды.

Пациенттердің ерекше топтары

Жынысы: Ерлер мен әйелдер арасында фармакокинетикалық айырмашылықтары анықталған (әйелдерде плазма клиренсі шамамен 50% төмен). Клиренс шегінің жабылып қалуын негізге алғанда пациент өрісіне негізделген фармакокинетикалық айырмашылықтары әйел жынысты пациенттер үшін төменірек дозасын пайдалануды ұсынуға себеп бола алмайды.

Жасы: Осы өзгерістер дозаны түзетуді негіздеуге жеткіліксіз болса да, жас және егде жастағы (≥ 65 жас) әйелдер арасында фармакокинетикалық айырмашылықтар анықталған (егде жастағы адамдарда AUC шамамен 25%, жартылай шығарылу кезеңі 25% артады).

Бүйрек жеткіліксіздігі: диализ қабылдайтын бүйрек жеткіліксіздігінің терминалдық сатысындағы (БЖТС) пациенттерде дулоксетин Cmax және AUC дені сау тұлғалардағыдан 2 есе жоғары болып шықты. Бүйрек жеткіліксіздігі жеңіл және орташа пациенттерде дулоксетиннің фармакокинетикалық деректері шектеулі.

Бауыр жеткіліксіздігі: Бауыр ауруының орташа дәрежесі (Чайлд Пью бойынша B класы) дулоксетин фармакокинетикасына ықпалын тигізеді. Дені сау тұлғалармен салыстырғанда, бауыр ауруы орташа дәрежедегі пациенттерде дулоксетиннің болжамды плазмалық клиренсі 79% төмен, айқын жартылай шығарылу кезеңі 2,3 есе жоғары және AUC 3,7 есе жоғары. Бауыр жеткіліксіздігі жеңіл немесе ауыр пациенттерде дулоксетин мен оның метаболиттерінің фармакокинетикасы зерттелмеген. Дулоксетин бауыр жеткіліксіздігі бар пациенттерде қолданылмауы тиіс.

Бала емізетін аналар: дулоксетин таралуы босанудан соң 12 апта өткенде бала емізетін 6 әйелде зерттелген. Дулоксетин емшек сүтінен табылып, емшек сүтіндегі тепе-тең концентрациясы плазмадағы концентрациясының төрттен бірге жуығын құрады. Дулоксетиннің емшек сүтіндегі мөлшері күніне екі рет 40 мг қабылдағанда күніне 7 мкг жуық құрады. Бала емізу дулоксетин фармакокинетикасына ықпал етпейді.

Балалар: Дулоксетин фармакокинетикасы ауқымды депрессиялық бұзылысы бар 7-ден 17 жасқа дейінгі педиатриялық науқастарда күніне бір рет 20-дан 120 мг дейін ішу арқылы енгізуден кейін 3 зерттеуден алынған деректерге негізделген қауым үлгісін талдауды пайдаланып бағаланған. Педиатриялық науқастарда үлгілеу кезінде өлшенген тепе-тең күйде плазмадағы дулоксетин концентрациясы негізінен ересек пациенттерде байқалатын концентрациялар диапазонында болды.

Фармакодинамикасы

Дулоксетин невропатиялық және қабыну ауруының бірнеше тәжірибелік үлгілерінде ауыру шегін қалыпқа түсіреді және созылмалы ауру үлгісінде ауыру түйсіктерінің айқындылығын азайтады. Дулоксетиннің ауыруды басатын әсеріне орталық жүйке жүйесінің баяу тежелуі себеп болуы ықтимал.

Ересектер

• ауқымды депрессиялық бұзылыс.

• диабеттік шеткері нейропатияның ауырсындыратын түрі.

Қатаң түрде дәрігердің тағайындауымен қолдану керек!

Ішке қабылдауға арналған. Капсулаларды шайнамай және жаншымай бүтіндей жұтқан жөн. Капсуланы ашуға және капсуланың ішіндегісін тамақпен немесе сұйықтықтармен араластыруға болмайды.

Ауқымды депрессиялық бұзылыс

Бастапқы және ұсынылатын демеуші доза ас ішуге қарамастан күніне бір рет 60 мг құрайды. Клиникалық сынақтарда тең бөлінген дозаларда қабылданатын тәулігіне ең жоғары 120 мг дозаға дейінгі күніне бір рет 60 мг-ден артық дозалары қауіпсіздік тұрғысынан бағаланған. Дегенмен де, бастапқы ұсынылатын дозаға жауап бермейтін пациенттерге дозаны арттыру пайдалы болуы мүмкін екеніне ешбір клиникалық дәлел жоқ.

Емдік жауап әдетте 2-4 апта емделуден соң байқалады.

Депрессияға қарсы тұрақты жауапқа жетуден соң қайталануынан сақтану үшін емдеуді бірнеше ай бойы жалғастыруға кеңес беріледі. Дулоксетинге жауап беретін және анамнезінде депрессия көріністерінің қайталанулары болған пациенттерде күніне 60-тан 120 мг дейінгі дозада әріқарай ұзақ уақыт емдеуді қарастыру ұсынылады.

Диабеттік шеткері нейропатияның ауырсындыратын түрі

Бастапқы және ұсынылатын демеуші доза ас ішуге қарамастан күніне 60 мг құрайды. Клиникалық сынақтарда тең бөлінген дозаларда қабылданатын тәулігіне ең жоғары 120 мг дозаға дейінгі күніне бір рет 60 мг-ден артық дозалары қауіпсіздік тұрғысынан бағаланған. Қан сарысуында дулоксетин концентрациясы әркімде жеке елеулі ауытқуымен сипатталады. Демек, тәулігіне 60 мг дозаға жауабы жеткіліксіз кейбір науқастарда жоғарырақ дозасын пайдаланғанда жақсару болуы мүмкін.

Емге берілетін жауапқа 2 ай өткен соң баға беру қажет; егер 2 ай өткенде емдеуге бастапқы жауап жеткіліксіз болса, әріқарай жауаптың жақсару ықтималдығы аз; әріқарай емдік әсерін бағалау үш айда бір реттен сирек емес жүргізіледі.

Емдеуді тоқтату

Күрт тоқтату ұсынылмайды. Дулоксетин Тевамен емдеуді тоқтатқанда дозасы тоқтатудан болатын реакция қаупін төмендету үшін 1-2 апта бойы азайтылуы тиіс. Егер дозаны азайтқанда немесе емдеуді тоқтатудан кейін жағымсыз симптомдар туындаса, бұрын тағайындалған дозаны қабылдауды жаңғырту керек. Кейіннен, дәрігер дозаны азайтуды, бірақ біртіндеп жалғастыра алады.

Пациенттердің ерекше топтары

Егде жастағы пациенттер: Дозаны түзету тек қана жас шамасы негізінде ұсынылмайды. Дегенмен де, әсіресе күніне 120 мг дулоксетин қабылдайтын ауқымды депрессиялық бұзылысы бар егде жастағы адамдарды емдегенде сақтық таныту керек, өйткені деректер шектеулі.

Бауыр жеткіліксіздігі бар пациенттер: Дулоксетин Тева бауыр жеткіліксіздігіне әкелетін бауыр ауруына шалдыққан пациенттерге тағайындалмайды.

Бүйрек жеткіліксіздігі бар пациенттер: Бүйрек дисфункциясы жеңіл және орташа (креатинин клиренсі 30-дан 80 мл / мин дейін) пациенттерде дозаны түзету қажет емес. Дулоксетин Тева бүйрек жеткіліксіздігі ауыр (креатинин клиренсі <30 мл / мин) науқастарда пайдаланылмауы тиіс.

Балалар: Дулоксетин қауіпсіздік пен тиімділік мәселелері болуына орай ауқымды депрессиялық бұзылысты емдеу үшін балалар мен 18 жасқа дейінгі жасөспірімдерге тағайындалмайды.

Дулоксетин қабылдаған пациенттерде ең көп жиі хабарланатын жағымсыз реакциялар жүрек айну, бас ауыру, ауыздың кеберсуі, ұйқышылдық және бас айналу болды. Дегенмен де, әдеттегі жағымсыз реакциялардың көпшілігі жеңіл және орташа болды және әдетте емнің басында басталып, емдеу барысында басылған.

Өте жиі

- бас ауыру, ұйқышылдық

- жүрек айну, ауыздың кеберсуі

Жиі

- тәбеттің төмендеуі

- ұйқысыздық, ажитация, либидо төмендеуі, мазасыздық, қалыптан тыс

оргазм, аномальді қиялдар

- бас айналу, сылбырлық, тремор, парестезия

- көру қабілетінің бұзылуы

- құлақтың шыңылдауы1

- жүректің жиі соғуы

- артериялық қысымның көтерілуі3, бетке қан тебу

- есінеу

- іш қатулар, диарея, іштің ауыруы, құсу, диспепсия, метеоризм

- қатты терлеу, бөртпе

- сүйек-бұлшықет ауыруы, бұлшықеттің түйілуі

- несеп шығарудың бұзылуы, поллакиурия

- эректильді дисфункция, эякуляция бұзылысы, эякуляция кідірісі

- естен тану8, шаршау

- салмақтың азаюы

Кейде

- ларингит

- гипергликемия (әсіресе, қант диабетімен науқастарда)

- суицидтік ойлар5,7, ұйқы бұзылысы, бруксизм, бағдардан жаңылу, апатия

- миоклонус, акатизия7, күйгелектену, зейін қоюдың бұзылуы, дизгевзия, дискинезия, мазасыз аяқтар синдромы, ұйқының нашар сапасы

- мидриаз, көру қабілетінің нашарлауы

- вертиго, құлақтың ауыруы

- тахикардия, қарыншаүстілік аритмия, негізінен, жүрекше фибрилляциясы

- синкопе2, гипертензия3,7, ортостаздық гипотензия2, шеткері қан айналымының бұзылуы (аяқ-қолдың суынуы)

- тамақтың қысылуы, мұрыннан қан кету

- асқазан-ішектен қан кету7, гастроэнтерит, гастрит, кекіру, дисфагия

- гепатит3, бауыр ферменттерінің (АЛТ, АСТ, сілтілік фосфатаза) жоғары деңгейлері, бауырдың жедел зақымдануы

- түнгі тершеңдік, есекжем, жанаспалы дерматит, суық тер, фотосезімталдық реакциясы, көгерулердің түзілуі

- бұлшықеттердің сіресуі, бұлшықеттердің тартылуы

- несеп шығару кідірісі, несеп шығарудың бұзылуы, никтурия, полиурия, несеп ағынының азаюы

- гинекологиялық қан кету, етеккір оралымының бұзылуы, сексуалдық дисфункция, аналық бездердің ауыруы

- кеуденің ауыруы7, хал-ахуал нашарлауы, суықты сезіну, шөлдеу, қалтырау, ысынып кету, жүріс-тұрыстың бұзылуы

- салмақ артуы, қанда креатинфосфокиназа деңгейінің жоғарылауы, қанда калий деңгейінің жоғарылауы

Сирек

- анафилаксиялық реакциялар, аса жоғары сезімталдық

- гипотиреоидизм

- сусыздану, гипонатриемия, SIADH6

- суицидтік мінез-құлық5,7, мания, елестеулер, озбырлық және ызалану4

- серотонин синдромы6, құрысулар1, психомоторлық мазасыздық6,

экстрапирамидалық симптомдар6

- глаукома

- гипертониялық криз3,6

- стоматит, гематохезия, ауыздан жағымсыз иіс шығу

- бауыр жеткіліксіздігі6, сарғаю6

- Стивенс-Джонсон синдромы6, ангионевроздық ісіну6

- тризм

- несептің аномальді иісі

- менопауза симптомдары, галакторея, гиперпролактинемия

- қанда холестерин деңгейінің жоғарылауы

Өте сирек

- тері васкулиті

- микроскопиялық колит

Ескертпелер:

1 Құрысу жағдайлары және құлақ шыңылдаған жағдайлар емдеуді тоқтатудан кейін де байқалды.

2 Ортостаздық гипотензия және естен тану жағдайлары емдеудің басында тіркелген.

4 Озбырлық және ызалану жағдайлары емдеудің басында немесе оны тоқтатудан кейін тіркелген.

5 Дулоксетинмен емделу кезінде немесе емді тоқтатқан соң бірден суицидтік ойлар және суицидтік мінез-құлық жағдайлары тіркелген.

6 Постмаркетингтік бақылау кезеңінде алынған жағымсыз реакциялардың есептік жиілігі; плацебо-бақыланатын клиникалық зерттеулерде байқалмаған.

7 Плацебодан статистикалық мәнді ерекшеленбейді.

8 Естен танулар егде жастағы (≥ 65 жас) адамдарда бәрінен жиірек байқалды.

Жекелеген жағымсыз реакциялар сипаттамасы

Дулоксетинді (әсіресе, кенеттен) тоқтату әдетте «тоқтату» симптомына алып келеді. Бас айналу, сезімталдық бұзылулары (соның ішінде парестезиялар немесе электр ағынымен, әсіресе, бастың зақымдануын сезіну), ұйқының бұзылуы (соның ішінде ұйқысыздық және түс көре беру), шаршау, ұйқышылдық, ажитация немесе үрей, жүрек айну және / немесе құсу, тремор, бас ауыру, миалгия, ашушаңдық, диарея, тершеңдік және бас айналу ең көп жиі хабарланатын реакциялар болып табылады.

Әдетте, СКҚСТ (серотонинді кері қармаудың селективті тежегіштері) және СНКҚСТ (серотонин мен норадреналинді кері қармаудың селективті тежегіші) қолданғанда бұл реакциялар жеңіл және орташа болады, әрі өздігінен басылады, алайда, кейбір пациенттерде олар ауыр болуы және / немесе ұзаққа созылуы мүмкін. Дозаны азайту арқылы біртіндеп тоқтату ұсынылады.

- белсенді ингредиентке немесе қосымша заттардың кез келгеніне аса жоғары сезімталдық

- бауыр жеткіліксіздігіне алып келетін бауыр аурулары

- ауыр бүйрек жеткіліксіздігі (креатинин клиренсі <30 мл / мин)

- ықтималды гипертониялық кризге алып келетін бақыланбайтын

гипертензия

- препаратты моноаминоксидаза тежегіштерімен (МАОТ) бір мезгілде қолдану

- CYP1A2 қуатты тежегіштерімен (мысалы, флувоксамин, ципрофлоксацин немесе эноксацинмен) бір мезгілде қолдану

- балаларға және 18 жасқа дейінгі жасөспірімдерге

- бақыланбайтын жабық бұрышты глаукома

- лактация кезеңі

Моноаминоксидаза тежегіштері (МАОТ): Серотониндік синдромның даму қаупіне орай, дулоксетин селективті емес қайтымсыз моноаминоксидаза тежегіштерімен (МАОТ) біріктіріліп немесе МАОТ-мен емдеуді тоқтатудан кейін кемінде 14 күн бойы қолданылмайды. Дулоксетиннің жартылай шығарылу кезеңі негізінде, Дулоксетин Тевамен емдеуді тоқтатудан кейін МАОТ қолдану басталғанша кем дегенде 5 күн өтуі тиіс.

Дулоксетин Теваны моклобемид сияқты селективті қайтымды МАОТ-мен қатарлас пайдалану ұсынылмайды. Линезолид антибиотигі қайтымды селективті емес МАОТ болып табылады және Дулоксетин Теваны қабылдайтын пациенттерге тағайындалмайды.

ОЖЖ-не әсер ететін дәрілік заттар: осы бөлімде баяндалған жағдайларды қоспағанда, дулоксетинді басқа ОЖЖ-белсенді дәрілік заттармен біріктіріп пайдалану қаупіне жүйелі бағалау жүргізілмеген. Демек, Дулоксетин Теваны басқа дәрілік заттармен немесе алкоголь және тыныштандыратын дәрілік заттарды (мысалы, бензодиазепиндер, нейролептиктер, морфиномиметиктер, фенобарбитал, тыныштандыратын антигистаминдік дәрілер) қоса, ОЖЖ-не әсер ететін заттармен біріктіріп сақтықпен тағайындау керек.

Серотонинергиялық дәрілер: сирек жағдайларда, серотониндік синдром серотонинергиялық агенттермен бір мезгілде СКҚСТ / СНКҚСТ қолданатын пациенттерде тіркелген. Дулоксетин Теваны СКҚСТ / СНКҚСТ сияқты серотонинергиялық агенттермен, кломипрамин немесе амитриптилин сияқты трицикл антидепрессанттары, МАО тежегіштері, мысалы, моклобемид немесе линезолид, шайқурай (шілтерленген шайқурай) немесе триптандар, трамадол, петидин және триптофанмен біріктіріп абайлап тағайындау керек.

Дулоксетиннің басқа дәрілік заттарға әсері

CYP1A2 арқылы метаболизденетін дәрілік препараттар: дулоксетинмен (күніне екі рет 60 мг) бірге қабылдау CYP1A2 субстраты - теофиллин фармакокинетикасына әсер етпейді.

CYP2D6 арқылы метаболизденетін дәрілік препараттар: дулоксетин CYP2D6 орташа тежегіші болып табылады. Дулоксетин күніне екі рет 60 мг дозада CYP2D6 субстраты - дезипраминнің бір реттік дозасымен енгізілгенде дезипрамин AUC 3 есе артты. Дулоксетинмен (күніне екі рет 40 мг) бірге енгізу толтеродин (күніне екі рет 2 мг) AUC тепе-теңдік күйін 71% арттырады, бірақ оның белсенді 5 гидроксил метаболитінің фармакокинетикасына ықпал етпейді, сондықтан дозаны түзету ұсынылмайды. Дулоксетин Тева көбінесе CYP2D6 арқылы метаболизденетін дәрілік заттармен (рисперидон, трицикл антидепрессанттары [ТЦА], нортриптилин, амитриптилин, имипрамин сияқты), әсіресе, егер олардың емдік индексі тар болса (мысалы, флекаинид, пропафенон және метопролол), сақтықпен тағайындалу керек.

Айрықша нұсқаулар

Мания және құрысулар

Дулоксетин Тева маниясы немесе биполярлы бұзылыс диагнозы және / немесе анамнезінде құрысулары бар пациенттерде сақтықпен тағайындалу керек.

Мидриаз

Дулоксетин қабылдау кезінде мидриаз жағдайлары байқалды, сондықтан Дулоксетин Тева көзішілік қысымы жоғары пациенттерге немесе жедел жабық бұрышты глаукоманың даму қаупі бар тұлғаларда тағайындалғанда сақтық таныту керек.

Артериялық қысым және жүректің жиырылу жиілігі

Дулоксетин кейбір пациенттерде қан қысымының көтерілуімен және клиникалық мәнді артериялық гипертензиямен байланысты. Бұл дулоксетиннің норадренергиялық әсері салдарынан болуы мүмкін. Гипертониялық криз жағдайлары, әсіресе, дулоксетинді гипертониясы бұрыннан бар пациенттерде қабылдау кезінде тіркелген. Осылайша, белгілі артериялық гипертензиясы және / немесе басқа күрделі жүрек аурулары бар пациенттерде, әсіресе, емнің алғашқы айының ішінде артериялық қысым мониторингін өткізу ұсынылады. Дулоксетин ЖЖЖ жоғарылауында немесе қан қысымы көтерілгенде жай-күйі өте нашарлап кететін пациенттерде абайлап пайдаланылу керек. Дулоксетинді өзінің метаболизміне ықпал етуі мүмкін дәрілік заттармен қолданғанда да сақтық таныту керек. Дулоксетин қабылдау кезінде қан қысымы тұрақты көтерілетін пациенттер үшін не дозаны азайту, не препаратты біртіндеп тоқтату қарастырылу керек.

Бүйрек жеткіліксіздігі

Гемодиализде жүрген бүйрек жеткіліксіздігі ауыр науқастарда (креатинин клиренсі 30 мл / мин аз) дулоксетиннің плазмалық концентрациясы жоғарылауы мүмкін. Дулоксетинді бүйрек жеткіліксіздігі ауыр (креатинин клиренсі 30 мл / мин аз) пациенттерде қолдану ұсынылмайды.

Серотониндік синдром

Өмірге зор қауіпті жағдай - серотониндік синдром дулоксетинмен емдеу курсының барысында, әсіресе, басқа серотонинергиялық дәрілік заттарды (соның ішінде СКҚСТ, СНКҚСТ, трицикл антидепрессанттары немесе триптандар) МАО тежегіштері, нейролептиктер немесе серотонинергиялық нейротрансмиттерлер жүйесіне ықпал етуі мүмкін допаминнің басқа да антагонистері сияқты серотонин метаболизмін төмендететін дәрілік заттармен қатарлас пайдаланғанда болуы мүмкін.

Серотониндік синдром симптомдары психикалық жай-күй өзгерістерін (мысалы, ажитация, елестеулер, кома), вегетативті тұрақсыздықты (мысалы, тахикардия, артериялық қысымның құбылуы, гипертермия), жүйке-бұлшықет реакцияларын (мысалы, гиперрефлексия, қозғалыс үйлесімінің бұзылуы) және / немесе асқазан-ішек симптомдарын (мысалы, жүрек айну, құсу, диарея) қамтуы мүмкін.

Егер дулоксетинмен және нейромедиаторлардың серотонинергиялық және / немесе дофаминергиялық жүйесіне ықпал етуі мүмкін басқа серотонинергиялық дәрілік заттармен қатарлас емделу клиникалық тұрғыда ақталса, әсіресе, емнің басталу кезінде және дозаны арттырғанда пациентті мұқият қадағалау ұсынылады.

Шайқурай

Жағымсыз реакциялар Дулоксетин Тева мен құрамында шайқурай (шілтерленген шайқурай) бар өсімдік тектес препараттарды қатарлас қолдану кезінде жиірек болуы мүмкін.

Суицид

Негізгі депрессиялық бұзылыс және жайылған үрейлі бұзылыс: Депрессия суицидтік ойлар, өзін-өзі құрту және суицидтің (суицидпен байланысты құбылыстар) жоғары туындау қаупімен байланысты. Қауіп тұрақты ремиссияға жететін сәтке дейін сақталады. Алғашқы бірнеше немесе одан көп аптаның ішінде жақсару басталмауы мүмкін, сондықтан пациенттер жақсаруға жеткенше мұқият бақылануы тиіс. Жалпы клиникалық тәжірибе қалыпқа келудің бастапқы сатыларында өзін-өзі өлтіру қаупінің артуы мүмкін екенін көрсетеді.

Дулоксетин Тева тағайындалатын басқа психикалық жай-күйлер суицидпен байланысты құбылыстардың жоғары қаупімен де байланысты болуы мүмкін. Бұдан бөлек, бұл жай-күйлер ауқымды депрессиялық бұзылыспен қатар жүруі мүмкін. Ауқымды депрессиялық бұзылысы бар науқастарды емдеу кезінде қадағаланатын дәл сол сақтану шараларын басқа психикалық бұзылыстары бар науқастарды емдеуде де қадағалап отыру керек. Анамнезінде суицидпен байланысты құбылыстары бар пациенттер немесе емдеу басталғанша суицидтік ойлары елеулі дәрежеде көрініс беретін пациенттер, белгілі болғандай, суицидтік ойлардың немесе суицидтік мінез-құлықтың зор қаупіне бейім, әрі емделу кезінде бақылануы тиіс. Психиатриялық бұзылыстар кезіндегі антидепрессанттардың плацебо-бақыланатын клиникалық зерттеулерінің мета-талдауы, 25 жасқа толмаған пациенттердегі плацебомен салыстырғанда, антидепрессанттар қабылдау кезіндегі суицидтік мінез-құлық қаупінің жоғарылауын көрсетті. Дулоксетинмен емделу кезінде немесе емді тоқтатудан кейін бірден суицидтік ойлар мен суицидтік мінез-құлық жағдайлары тіркелген. Емдеудің басында және дозаны өзгертуден соң, әсіресе, жоғары қаупі бар пациенттерге бақылау жүргізіледі. Пациенттерге (және пациенттердің өкілдері) кез келген клиникалық нашарлау, суицидтік мінез-құлық немесе ойларды және мінез-құлықтағы әдеттен тыс өзгерістерді қадағалау және осы симптомдар білінгенде дәрігерге дереу қаралу қажеттілігі ескертілуі тиіс.

Диабеттік нейропатияның ауырсындыратын түрі: дулоксетинмен емделу кезінде немесе емді тоқтатудан кейін бірден суицидтік ойлар мен суицидтік мінез-құлықтың бірлі-жарым жағдайлары тіркелген. Депрессия кезіндегі суицидтік мінез-құлықтың қауіп факторы жөнінде жоғарыдан қараңыз. Дәрігерлер пациенттерге кез келген үрейлі ойлар немесе сезімдер туралы хабарлап отыруға кеңес беруі тиіс.

Қан кету: Серотонинді кері қармау тежегіштерімен (СКҚСТ) және серотонин / норадреналин тежегіштерімен (СНКҚСТ), соның ішінде дулоксетинмен емдегенде көгерулер, пурпура және асқазан-ішектен қан кету сияқты қан кетулер жөнінде хабарламалар алынған. Антикоагулянттар және / немесе тромбоциттер функциясына белгілі әсері бар дәрілік заттар (мысалы, ҚҚСП немесе ацетилсалицил қышқылы (АСҚ)) қабылдайтын пациенттерге және қан кетуге бейімділігі белгілі науқастарға абайлап тағайындау керек.

Гипонатриемия: Дулоксетин қолдану кезінде, сарысудағы натрий деңгейлері 110 ммоль / л-ден төмен болатын жағдайларды қоса, гипонатриемия хабарланды. Гипонатриемия талапқа сай емес антидиурездік гормон синдромымен (ТАДГС) байланысты болуы мүмкін. Гипонатриемияның көпшілік жағдайлары егде жастағы, әсіресе, таяуда болған тарихымен бірге немесе сұйықтық теңгерімінің өзгерісіне бейімдейтін жай-күйлері бар адамдарда хабарланды. Гипонатриемия қаупі жоғары пациенттерде, мысалы, егде жастағы пациенттерде, циррозбен науқастарда, сусызданған пациенттерде немесе диуретиктер қабылдайтын пациенттерде сақтану қажет.

Емдеуді тоқтату

Емдеуді тоқтатудан кейін болатын «тоқтату» синдромы, әсіресе, препаратты күрт тоқтату кезіндегі өте кең таралған құбылыс болып табылады. Клиникалық сынақтарда емдеуді кенет тоқтатқанда байқалатын қолайсыз құбылыстар дулоксетин қабылдаған пациенттердің 45% және плацебо алатын пациенттердің 23% шамасында болды. СКҚСТ және СНКҚСТ қолдану кезінде «тоқтату» синдромының даму қаупі бірнеше факторларға, соның ішінде, емдеу ұзақтығы мен дозасына және дозаны азайту жылдамдығына байланысты болуы мүмкін. Бас айналу, сезімталдық бұзылыстары (парестезия немесе, әсіресе, бастың электр ағынымен зақымдануына ұқсас түйсіктерді қоса), ұйқы бұзылыстары (ұйқысыздық және айқын түстерді қоса), шаршау, ұйқышылдық, қозу немесе үрей, жүрек айну және / немесе құсу, тремор, бас ауыру, миалгия, ашушаңдық, диарея, қатты терлеу және вертиго сияқты жағымсыз реакциялардың туындауы ең көп жиі хабарланды. Жалпы, жоғарыда көрсетілген симптомдар әлсіз немесе орташа сипатта болады, алайда, кейбір пациенттерде ауыр реакциялар болуы мүмкін. Олар, әдетте, емдеуді тоқтатудан кейін алғашқы бірнеше күн ішінде басылады, бірақ өте сирек жағдайларда ондай симптомдар препарат қабылдауды кездейсоқ өткізіп алған пациенттерде туындады. Әдетте ондай симптомдар өздігінен шектеулі және, оларды кейбір пациенттерде едәуір ұзақ (2-3 ай немесе одан көп) байқауға болса да, әдетте 2 апта ішінде байқалады. Сондықтан, пациенттің қажеттіліктеріне қарай, дулоксетин дозасын кемінде 2 апта ішінде біртіндеп азайту ұсынылады.

Егде жастағы пациенттер

Ауқымды депрессиялық бұзылысы және жайылған үрейлі бұзылысы бар егде жастағы пациенттерде 120 мг дулоксетинді пайдалану жөнінде деректер шектеулі. Осылайша, егде жастағы адамдарды ең жоғары дозамен емдегенде сақтық таныту керек.

Акатизия / психомоторлық мазасыздық

Дулоксетинді пайдалану субъективті жағымсыз немесе қажытатын мазасыздықпен немесе отыруға немесе тұруға қабілетсіздікпен жиі қатар жүретін қозғалысты қажетсінумен сипатталатын акатизияның дамуымен байланысты. Реакция емдеудің алғашқы бірнеше аптасының ішінде болуы мүмкін. Аталған симптомдар бар пациенттерде дозаны арттыру теріс әсерін көрсетуі мүмкін.

Құрамында дулоксетин бар дәрілік препараттар

Дулоксетин бірнеше көрсетілімдерге (диабеттік нейропатияның ауырсындыратын түрі, ауыр депрессиялық бұзылыс) арналған әр алуан сауда маркаларында пайдаланылады. Осы өнімдерді бір мезгілде біреуден көп қолданудан сақтану керек.

Гепатит / бауыр ферменттері деңгейінің жоғарылауы

Дулоксетин қолдану кезінде бауырдың зақымдану жағдайлары, соның ішінде бауыр ферменттерінің жоғары деңгейлері (қалыптың жоғарғы шегінен > 10 есе жоғары), гепатит және сарғаю білінді. Реакциялардың көпшілігі емдеудің алғашқы айының ішінде байқалды. Бауырдың зақымдану типі - көбінесе гепатоцеллюлярлы. Дулоксетин бауыр функцисының бұзылуын емдеу үшін басқа дәрілік заттар алатын пациенттерде абайлап пайдаланылу керек.

Сахароза

Дулоксетин Тева құрамында сахароза бар. Сирек тұқым қуалайтын фруктоза жақпаушылық кінәраттары, глюкоза-галактоза мальабсорбциясы немесе сахароза изомальтаза жеткіліксіздігі бар пациенттерге осы дәрілік препаратты қабылдауға болмайды.

Балаларда және 18 жасқа дейінгі жасөспірімдерде қолдану

Дулоксетин Тева балалар мен 18 жасқа дейінгі балаларда қолданылмайды. Суицидтік мінез-құлық (суицид әрекеттері және суицидтік ойлар), жауығу (көбінесе озбырлық, оппозициялық маінез-құлық және ыза), плацебо алған пациенттермен салыстырғанда, антидепрессанттар қабылдаған балалар мен жасөспірімдер арасындағы клиникалық сынақтарда жиірек білінді. Егер клиникалық қажеттілік негізінде ем жүргізу шешімі қабылданса, пациентте суицидтік симптомдардың бар-жоғы мұқият бақылануы тиіс. Бұдан бөлек, балалар мен жасөспірімдерде өсу, жетілу, когнитивтік және мінез-құлық дамуына қатысты ұзақ мерзімді қауіпсіздік деректері жоқ.

Жүктілік және лактация кезеңі

Жүкті әйелдерде дулоксетин қолдану жөнінде жеткілікті деректер жоқ. Зерттеулер дулоксетиннің репродуктивтік уыттылығының жүйелі әсер ету деңгейлерінде (AUC) ең жоғары клиникалық әсерінен төмен екенін көрсетті. Адам үшін зор қаупі белгісіз.

Эпидемиологиялық деректер жүктілік кезінде, әсіресе, жүктіліктің кешірек мерзімдерінде СКҚСТ жаңа туған нәрестелерде персистирленетін өкпе гипертензиясының (PPHN) қаупін арттыруы мүмкін. Зерттеулерде СКҚСТ қолданумен PPHN байланысы зерттелмесе де, әсер ету механизмін (серотониннің керу қармалуын тежеу) ескерсек, дулоксетинге тән осы ықтималды қауіпті жоққа шығаруға болмайды. Анасы дулоксетинді қысқа мерзімде қолданған соң жаңа туған нәрестелерде «тоқтату» симптомдары болуы мүмкін. Дулоксетиннің «тоқтату» симптомдары гипотония, тремор, жоғары жүйке-рефлекторды қозу cиндромын, бала емізу қиындығын, респираторлық дистресс-синдром мен құрысуларды қамтуы мүмкін. Жағдайлардың көпшілігі туу кезінде немесе туылудан кейін бірнеше күн ішінде орын алды.

Дулоксетин Теваны жүктілік кезінде, егер тек ықтималды пайдасы шаранаға төнетін зор қауіпті ақтап шығатын болса ғана, пайдалану керек. Әйелдер жүкті болып қалса немесе ем кезінде жүкті болу ниеті болса, дәрігерді хабарландыруы тиіс.

Емшекпен қоректендіру

Дулоксетин аз мөлшерлерде организмнен ана сүтімен шығарылады, бұл өз балаларын емшекпен қоректендірмеген бала емізетін 6 пациент әйелдегі зерттеуге негізделген. Бағалау бойынша, сәбиге арналған мг / кг негізіндегі тәуліктік доза ана дозасынан 0,14% құрайды. Сәбидегі дулоксетин қауіпсіздігі белгісіз, сондықтан бала емізу кезінде Дулоксетин Теваны пайдалануға кеңес берілмейді.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және машина пайдалану қабілетіне әсер етуіне зерттеулер жүргізілмеген. Дулоксетин Тева тыныштануды және бас айналуды туындатуы мүмкін. Пациенттерге бас айналу немесе тыныштану кезінде машиналарды жүргізу немесе пайдалану сияқты аса қауіпті қызметтермен шұғылданбау керек екенін ескерту керек.

Жеке немесе басқа дәрілік заттармен біріктірілген 5400 мг дозадағы дулоксетинмен артық дозалану жағдайлары хабарланған. Кейбір жағдайлар, бірінші кезекте, 1000 мг дозадағы дулоксетинмен артық дозалану кезінде өліммен аяқталған.

Артық дозалану белгілері мен симптомдары (жеке немесе басқа дәрілік заттармен біріктірілімде) ұйқышылдық, кома, серотонин синдромын, құрысулар, құсу және тахикардияны қамтиды.

Емі: Дулоксетиннің спецификалық антидоты белгісіз, бірақ серотонин синдромы расталғанда спецификалық емдеу (мысалы, ципрогептадинмен және / немесе температураны бақылаумен) ұсынылады. Тыныс жолдарын босату қажет. Жүрек қызметіне және өмірлік маңызды функцияларға, сонымен бірге тиісті симптомдар мен қолдау шараларына мониторинг өткізу ұсынылады. Ас ішуден кейін немесе симптоматикалық пациенттерде асқазанды шаю тағайындауға және оны өткізуге болады. Белсендірілген көмір сіңірілудің шектелуіне әсер етуі мүмкін. Дулоксетин ауқымды таралу көлеміне және жеделдетілген диурезге ие болады, сондықтан гемоперфузия, алмасу перфузиясының пайдалы болуы екіталай.

Шығарылу түрі және қаптамасы

30 мг капсулалар:

PVC/ ACLAR/ PVC үлбірінен және алюминий фольгадан жасалған пішінді ұяшықты қаптамаға 7 капсуладан салады.

Медициналық қолдану жөніндегі мемлекеттік және орыс тілдеріндегі нұсқаулықпен бірге 2 немесе 4 пішінді қаптамадан (7 капсуладан) картон қорапшаға салынады.

60 мг капсулалар:

PVC/ ACLAR/ PVC үлбірінен және алюминий фольгадан жасалған пішінді ұяшықты қаптамаға 10 капсуладан салады және PVC/ ACLAR/ PVC үлбірінен және алюминий фольгадан жасалған пішінді ұяшықты қаптамаға 7 капсуладан салады.

Медициналық қолдану жөніндегі мемлекеттік және орыс тілдеріндегі нұсқаулықпен бірге 3 пішінді қаптамадан (10 капсуладан) немесе 2 немесе 4 пішінді қаптамадан (7 капсуладан) картон қорапшаға салынады.

+25˚С-ден аспайтын температурада сақтау керек.

Балалардың қолы жетпейтін жерде сақтау керек!

22 ай

Жарамдылық мерзімі өткеннен кейін қолдануға болмайды!

Рецепт арқылы

Өндіруші\ Қаптаушы

«Teva Pharmaceutical Industries Limited», Израиль

«Teva Pharmaceutical Industries Limited», Израиль

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы «ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 19, Нұрлы-Тау БО, 1Б, 603 кеңсе. Телефон: (727)3251615

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 19, Нұрлы-Тау БО, 1Б, 603 кеңсе. Телефон: (727)3251642, ұялы телефон: +7(701)9240368, е-mail: safety.kazakhstan@tevapharm.com